Bang Media

Icyivugo cy'inturo

Ni inturo y'umujinya ya Rutigerera igicuku
Yenze ibara ry'igishwi n'ikibiribiri
Ihirika mu Buranga itunguka kwa Nzogiroshya.

Ibona Kibamba yaraye ku mutambiko w'urusenge
Rusake ihina ibikohwa
Ikubiramo ibirokoroko iramiraza.

Imbeba yaraye mu muheno iti:
Ngiye kubaza ibyo!
Iyikoma ijanja iheruka gukoma ejo
Yigira mu Kibumba kwa Nyamurinda
Kwirira uduhirivi two mu rubingo.

No comments: